Zer da Nafarroa Solidarioa 2020?

Nafarroa Solidarioa 2020 ekimenaren helburua da gure gizarteko ahalik eta eragile gehienen artean aliantza handi bat egitea, eta horrela indarrak batzea, COVID-19aren pandemiak gehien jo dituen kolektiboak jasaten ari diren ondorioei irtenbidea emango dieten proiektuen inguruan.

Adinekoak

Okerrera egin du haien egoerak, hainbat mailatan (osasuna, bakardadea, nahi gabeko isolamendua), eta ezinbestekoa da gaur egungo egoitza eredua, adinekoak etxean geratu ahal izateko laguntzen eredua, eta zaintzaileentzako laguntzak berrikustea.

Desgaitasunen bat duten pertsonak

Haien egoerak okerrera egin du, edo aparteko laguntza behar dute beren egoera eta bizi kalitatea hobetzeko, eta beharrezkoa da arreta ereduak berrikustea, kolektiboaren enplegagarritasuna sustatzea eta zaintzaileei laguntzea.

Beste kolektibo kaltebera batzuk

Pobreziaegoeran dauden familiek edo gizartebazterketako arriskuan dauden pertsonek, adibidez, haien oinarrizko premiak edo gabezia funtsezkoenak asetzeko beharra dute.

Gizarte osoari zabaldutako deialdi bat da, helburu duena babesa ematea lehen aipatu ditugun kolektiboen barruan COVID-19aren krisiaren ondorioak arintzea helburu duten irabazi asmorik gabeko erakunde pribatuen proiektuei.

 

Babesa jasotzen duten proiektuek hainbat gai sustatu beharko dituzte: besteak beste, lanpostu berriak eta lan egiteko modu berriak sortzea, arrakala digitala eta teknologikoa txikiagotzea, kohesio soziala eta Nafarroako lurralde osoan jardutea.

Batzeko, elkartzeko eta eskuzabaltasunari balio berezia emateko unea da, bizi dugun salbuespenezko egoeraren ondorio zuzenak arintzeko.Pertsona edo entitate bakoitzaren ekarpenari esker, hura era batekoa ala bestekoa dela ere, gizarteak gehien behar dutenei lagunduko die gehien behar dutenean, eta, horrela, lehendik dakigun zerbait frogatuko da: NAFARROA SOLIDARIOA dela.

Deskargatu diptikoa